World Consumer Rights Day, 2024 chu vawin ni 15.03.2024 khan Food, Civil Supplies & Consumer Affairs Department hmalakna in hlawngtling taka hman ani a. World Consumer Rights Day, 2024  hmanna hi Conference Hall, Directorate of Economics & Statistics, MINECO ah neih niin, He hun hi Food, Civil supplies & Consumer Affairs Minister Pu B. Lalchhanzova chuan a hmanpui a ni. 

He hun hi Prof.Chawngsailova, President, Mizoram Consumers’ Union (MCU) chuan kaihruai in, Pi Zodingpuii, Secretary, FCS&CA Deptt hnen atangin he hun hmang tura lokal mipuite lawmna leh duhsakna thu ngaihthlak niin, World Consumer Rights Day lo pianchhuah dan leh a thanchhoh dan te a sawilang bawk a ni.

Tunkum thupui(theme) atana thlanchhuah chu “Fair and Responsible AI for Consumers” tih niin, he thupui hmang hian Robert Lalramhluna, PhD Scholar, NIT Mizoram chuan Artificial Intelligence (AI) pawimawhna leh Consumers te hamthatna atana hman tangkai a nih theih dan te Power Point Presentation a pe a ni.

Khuallian Pu B. Lalchhanzova Minister, FCS&CA Department hnen atangin Vawin World Consumer Rights Day thupui(theme) ah Artificial Intelligence(AI) an rawn thlang chu lawmawm a tih thu leh, AI chu khawvel changkanna hmanraw tharlam ber niin, a siamchhuaktu chu mihringte tho kan nih avangin, a bawi-a awm mailo in a tha thei ang ber leh tangkai thei ang bera kan hmanthiam a tul thu a sawi a.

Khuallian Pu B. Lalchhanzova chuan kalkhawm mipuite hnenah Mizo mipuite chu Consumer awareness chungchang ah kan thangharh a ngaih thu leh nasa taka mimal leh pawl ang pawh a Consumer te hamthatna kan ngaih pawimawh deuh deuh a tul thu a sawi a. Tunlai khawvel changkang zelah mimal sumdawnna(privatisation) kalpui nasat ani a, heng privatisation hnuai ah hi chuan sumdawng te tum ber chu hlawkna(profit) hmuh a ni a, heng te avang hian Consumers te dikna chanvo humhalh chu a pawimawh chho telh telh dawn thu a sawi a ni.

Minister chuan mipui lo kalhawm zawng zawngte a nasa thei ang bera an kalna apianga Consumer Awareness theihdarh tur in a chah a, Consumer awareness kan thehdarh nasat poh leh mipuite bumna lak ata leh humsual dai tur lak ata kan chhanhim nasa ani mai tih thu a sawi a, Consumer awareness thehdarh chungchangah rawtna tha (Ideas tha) chu engtik lai pawnin an dawn theih thu leh rawtna tha chu an ‘Welcome’ mai nilo in an ‘Celebrate zawk’ tur anih thu a sawi bawk.

Pi Saizikpuii, Director, FCS&CA Deptt hnen atangin kalkhawm mipuite hnena lawmthu sawina (vote of thanks) ngaihthlak niin, he hun hi tihtawp a ni.

Vawin World Consumer Rights Day, 2024 hmanna ah hian mi 220 vel an kalkhawm a ni.

District hrang hrang ah he ni lawman hun hi hman a ni bawk.