Dt. 14.10.2026 (Thursday)
Vawiin khan Food, Civil Supplies & Consumer Affairs Department, Gov’t of Mizoram leh Bureau of Indian Standards (BIS) Kolkatta Branch te hmalakna in One-day Workshop on ‘BIS Certification Process’ for officials of selected departments of Mizoram chu Conference Hall, I&PR Department, Treasury Square ah hlawhtling taka neih a ni a. He hun atan hian‘BIS Certification Process’chungchanga zirtirna pe turin BIS, Kolkatta Branch Office atangin Pu Barun Das, Scientist D/Joint Director, chu chah chhuah a ni.
Pi Esther Leihang, Deputy Director, FCS&CA Department in he workshop hi kaihruaiin, kal khawmte lawmna thu a sawi bakah, ama kaihhruaina in kal khawm officials te inhmelhriattirna (round of introduction) neih a ni a.
He hunah hian Pu Malsawmtluanga, Joint Director (Admin), FCS&CA Department chuan workshop nei tura lo kal khawmte lo lawmna (welcome address) sawi in, vawin hun hi Mizoram Sorkar hnuaia thlan chhuah bik departments 10 te tan liau liau a, he workshop hi buatsaih an nih thu leh, India ram state dangah pawh tuna an buatsaih ang workshop hi buatsaih a la nih ngailoh thu a sawi a, chuvangin he hun hmang tura lo kal khawmte chu workshop hlawk thlaktak hmang tur theuh turin a chah a.
Pu Malsawmtluanga chuan BIS chu National body a nih thu leh India rama kan bungraw hmante a tha tawk em? tih enfiahtu leh bungrua (materials) chu a that dan (quality) mil zela chhinchhiahna petu an ni a, an pawimawh hle a ni a ti. Mizoram Sorkar nen pawh FCS&CA Department kaltlangin thawhhona tha tak an neih thute, Mizoram-ah pawh departments tin, PSUs leh Contactors ten an thil siamchhuah nan bungrua, a tehna tling ngei an hman zel theih nan nasa leh zuala hmalak zel tum a nih thu leh hemi kawnga mipui inhrilh hriatna (awareness program) pawh uar leh zuala kalpui tum a nih thu a sawi lang bawk a ni.
He hunah hian Chawhma leh Chawhnu lamah, he hun atana mithiam sawm chhuahbik Pu Barun Das, Scientist D/Joint Director, BIS Kolkatta chuan workshop hmang tura kalkhawm officials te hnenah, thupui thlan chhuah ‘BIS Certification Process: A Detailed Overview’tih hmangin PPT Presentation a pe a, Presentation karlak leh tawp lamahte kalkhawm officials te hnen atangin zawhna leh chhanna hun (interaction period) hlawkthlak tak hun hman a ni bawk.
Pu Lalrinsanga, Joint Director (Supply), FCS&CA Department, chuan workshop hmang tura kalkhawm officials te hnena lawmthu sawina hun a hmang a, he huna workshop hmang tura lokal zawng zawngte chu an kalna apiangah BIS awmziate, an pawimawhnate, bungrua-a BIS chhinchhiahna pawimawhziate, a la hre velo mipuite hnena nasa zawka au chhuahpui zel turin a chah bawk a ni.
He workshop ah hian Mizoram Sorkar hnuaia thlanchhuah bik departments 10 atangin mi 30 vel an kalkhawm thei a ni.
